عاصم منیر نُوں چیف آف ڈیفنس فورسز تعینات، ائیر چیف مارشل ظہیر احمد سدھو دی مدت وچ 2 سال دی توسیع
اسلام آباد (این این آئی) – فیلڈ مارشل سید عاصم منیر نُوں بطور چیف آف ڈیفنس فورسز تعینات کر دِتا گیا، تے ائیر چیف مارشل ظہیر احمد سدھو دی مدت ملازمت وچ توسیع دے نوٹیفکیشن جاری کیتے گئے۔
وزارت دفاع نے چیف آف ڈیفنس فورسز دی تعیناتی دا نوٹیفکیشن صدر مملکت دی منظوری توں بعد جاری کیتا۔ صدر مملکت نے آئین دے آرٹیکل 243 تے آرمی ایکٹ دی شق 8اے دے تحت منظوری دِتی۔
واضح رہے کہ صدر مملکت نے آرمی چیف دی بطور چیف آف ڈیفنس فورسز تعیناتی دے لیے وزیراعظم دی سمری منظور کیتی سی۔ ایس سمری دے تحت صدر نے ائیر چیف مارشل ظہیر احمد سدھو دی مدت ملازمت وچ 2 سال دی توسیع وی منظور کیتی۔
وزارت دفاع دے نوٹیفکیشن مطابق:
فضائیہ دے سربراہ ائیر چیف مارشل ظہیر احمد بابر سدھو دی مدت ملازمت وچ توسیع 19 مارچ 2025 توں شروع ہووے گی۔
فیلڈ مارشل سید عاصم منیر نُوں آئندہ 5 سال لئی چیف آف ڈیفنس فورسز تعینات کیتا گیا۔
سید عاصم منیر چیف آف آرمی سٹاف وی اگلے 5 سال رہن گے۔
