الیکشن کمیشن دا بیرسٹر گوہر نوں چیئرمین تحریک انصاف تسلیم کرن توں انکار
اسلام آباد (این این آئی) الیکشن کمیشن آف پاکستان نے بیرسٹر گوہر نوں چیئرمین پاکستان تحریک انصاف تسلیم کرن توں انکار کردتا تے آزاد سینیٹرز دی پی ٹی آئی وچ شمولیت دی درخواست وی رد کردتی۔ یاد رہوے کہ بیرسٹر گوہر نے آزاد سینیٹرز دی پی ٹی آئی وچ شمولیت لئی خط لکھیا سی جیہدے وچ آکھیا گیا کہ آزاد سینیٹرز دی پی ٹی آئی وچ شمولیت نوں تسلیم کیتا جاوے۔ الیکشن کمیشن نے جوابی خط وچ بیرسٹر گوہر دی قنونی پوزیشن واضح کردتی تے آکھیا کہ تہانوں آزاد سینیٹرز نوں پارٹی وچ شامل کران دا کوئی قنونی حق حصال نہیں تے نہ ای الیکشن کمیشن اوہناں نوں ایس عہدے تے تسلیم کردا اے۔جوابی خط وچ الیکشن کمیشن نے لکھیا کہ بیرسٹر گوہر نے آزاد سینیٹرز دی پی ٹی آئی وچ شمولیت دی درخواست تسلیم کرن دا مطالبہ کیتا۔ حالانکہ پی ٹی آئی انٹر اپارٹی الیکشن کیس زیر التوا اے۔
