پاکستان وچ امریکی سرمایہ کاراں لئی زبردست کاروباری موقعے نیں:رضوان سعید

نیویارک (مانیٹرنگ ڈیسک) امریکہ وچ پاکستانی سفیر رضوان سعید شیخ نے آکھیا کہ پاکستان وچ امریکی سرمایہ کاراں لئی زبردست کاروباری موقعے موجود نیں۔ایہناں خیالات دا اظہار رضوان سعید شیخ نے ییل سکول آف مینجمنٹ دے اک وفد نال ملاقات دے دوران کیتا۔ اوہناں نے آکھیا کہ پاکستان امریکی کاروباری برادری تے سرمایہ کاراں لئی آئی ٹی، توانائی تے معدنیات جیہے شعبیاں وچ زبردست منافع بخش موقعے فراہم کردا اے۔ سرمایہ کاراں تے 250ملین دی اک متحرک مارکیٹ دا فیدہ چکن والے خواہشمند کاروباری افراد تے سرمایہ کاراں لئی اک سازگار تے سرمایہ کار دوست ماحول فراہم کرن لئی پوری طرح نال پرعزم نیں۔ اوہناں دا آکھنا سی کہ تذویراتی طور تے پاکستان جنوبی ایشیا، وسطی ایشیا تے مشرق وسطیٰ دے سنگم تے واقع اے تے ساڈا ملک اک اہم تجارتی راہداری فراہم کردا اے جو امریکی کاروباری داریاں نوں توانائی توںمالا مال سطی ایشیائی منڈیاں تے سرمایے دی حامل خلیجی ریاستاں نال رابطے دی پیشکش کردا اے۔ رضوان سعید شیخ نے حالیہ دور وچ پاک امریکہ تعلقات وچ ہون والی مثبت پیش رفت خصوصاً تجارت تے سرمایہ کاری نوںمضبوط بنان لئی جاری کوششاں نوںاجاگر کیتا۔اوہناں دا آکھنا سی کہ تذویراتی طور تے پاکستان جنوبی ایشیا، وسطی ایشیا تے مشرق وسطیٰ دے سنگم تے واقع اے تے ساڈا ملک اک اہم تجارتی راہداری فراہم کردا اے جو امریکی کاروباری داریاں نوں توانائی توںمالا مال سطی ایشیائی منڈیاں تے سرمایے دی حامل خلیجی ریاستاں نال رابطے دی پیشکش کردا اے۔ رضوان سعید شیخ نے حالیہ دور وچ پاک امریکہ تعلقات وچ ہون والی مثبت پیش رفت خصوصاً تجارت تے سرمایہ کاری نوںمضبوط بنان لئی جاری کوششاں نوںاجاگر کیتا۔