بہتر فضائی معیار ابتداء، ماحول دوست پنجاب حتمی منزل اے:مریم نواز
لہور (نمائندہ خصوصی) وزیراعلیٰ پنجاب مریم نواز شریف نے آکھیا کہ فضائی معیار دی بہتری ابتدا اے۔ ماحول دوست پنجاب حتمی منزل اے۔ فضائی آلودگی تے سموگ دے تدارک لئی اجے بہت کم باقی اے تے عوام نوں بہت ساتھ دینا ہووے گا۔ وزیراعلیٰ پنجاب مریم نواز دے موثر اقدامات دے نتیجے وچ لہور دے فضائی معیار وچ نمایاںبہتری آئی اے۔ پچھلے سال دے مقابلے وچ لہور دی فضا 42 فیصد بہتر ہوئی۔ رپورٹ دے مطابق نومبر دے 30وچوں 23 دناں وچ پچھلے سال دے مقابلے وچ ائیر کوالٹی انڈیکس وچ واضح بہتری ویکھی گئی۔ پچھلے سال 2024وچ 453 ائیر کوالٹی انٹیکس سی۔ چالوں سال ماہ نومبر وچ اے کیو آئی 261رہیا۔ جد کہ پچھلے سال 2024 دے نومبر وچ فضائی آلودگی انتہا تے سی۔ وزیراعلیٰ مریم نواز شریف دی ڈیڑھ سال دی حکومت دے دوران ماحولیاتی بہتری لئی تریخی اقدامات کیتے گئے۔ قنون سازی، قوانین اُتے موثر عملدرآمد، جدید مشینری، ماحولیاتی تحفظ لئی جدید ٹیکنالوجی دے استعمال نے اہم کردا رادا کیتا۔ مریم نواز شریف نے پنجاب دی تریخ وچ پہلی واری ہر شعبے نوں ماحول دوست بنان دے جامع وژن اُتے عملدرآمد دا آغاز کیتا۔ جنگلات دے تحفظ تے شجرکاری وچ وادھے دے اقدامات نے وی فضائی معیار بہتر بنان وچ حصہ پایا۔ وزیراعلیٰ پنجاب دا آکھنا سی کہ پچھلے سال دے مقابلے وچ ایس سال نومبر وچ فضائی بہتری ساڈی محنت تے عوام دے تعاون دا نتیجہ اے۔ وزیراعلیٰ مریم نواز شریف دی ڈیڑھ سال دی حکومت دے دوران ماحولیاتی بہتری لئی تریخی اقدامات کیتے گئے۔ قنون سازی، قوانین اُتے موثر عملدرآمد، جدید مشینری، ماحولیاتی تحفظ لئی جدید ٹیکنالوجی دے استعمال نے اہم کردا رادا کیتا۔ مریم نواز شریف نے پنجاب دی تریخ وچ پہلی واری ہر شعبے نوں ماحول دوست بنان دے جامع وژن اُتے عملدرآمد دا آغاز کیتا۔ جنگلات دے تحفظ تے شجرکاری وچ وادھے دے اقدامات نے وی فضائی معیار بہتر بنان وچ حصہ پایا۔ وزیراعلیٰ پنجاب دا آکھنا سی کہ پچھلے سال دے مقابلے وچ ایس سال نومبر وچ فضائی بہتری ساڈی محنت تے عوام دے تعاون دا نتیجہ اے۔
