راحت فتح علی خان(کل)51ویں لگرہ مناون گی
لہور(شوبز ڈیسک) دنیا بھر وچ مشہور گائیک راحت فتح علی خان کل منگل نوں اپنی 51ویں سالگرہ منان گے۔ راحت فتح علی خان 9 دسمبر 1974 نوں فیصل آباد وچ پیدا ہوئے تے اوہناں نوں اپنے والد فرخ فتح علی خان تے نصرت فتح علی خان دے نال بچپن توں قوالی دی تربیت حاصل کرن دا موقع ملیا۔ اوہ ہن تک سینکڑے قوالیاں، گانے تے غزلاں گا چکے نیں، پاکستان وچ اوہناں دی شہرت دے بعد پڑوسی ملک بھارت نے وی اوہناں دی آواز توں فائدہ لیا، بھارتی فلم ”پاپ” وچ اوہناں دی آواز وچ گائے گئے گانے ”من کی لگن” نے بے پناہ شہرت حاصل کیتی۔ راحت فتح علی خان ہن تک کئی ڈرامیاں تے فلماں دے ٹائٹل سانگ وی گائے نیں، اوہناں نے کئی ملی نغمے وی گائے نیں۔ 2019 وچ آکسفورڈ یونیورسٹی نے اوہناں نوں موسیقی دے شعبے وچ اعزازی طور تے پی ایچ ڈی دی ڈگری نال نوازیا، نال اوہ کئی ملکی تے غیر ملکی ایوارڈز وی حاصل کرچکے نیں۔
