نامور نعت خواں جنید جمشید نوں دنیا توں گئے 9برس ہو گئے
لہور(سٹی رپورٹر) مشہور مبلغ، مشہور نعت خوان جنید جمشید نوں اپنے مداحاں توں وداع ہوئے 9 سال ہو گئے نیں۔ جنید جمشید قومی ایئرلائن پی کے 661 دی پرواز نال چترال توں واپس آ رہے سن کہ حویلیاں دے مقام تے جہاز نوں حادثہ پیش آیا، جہدے وچ مشہور مبلغ، نعت خوان جنید جمشید اتے اوہناں دی زوجہ سمیت سارے 47 مسافر شہید ہو گئے۔ جنید جمشید 3 ستمبر 1964 نوں کراچی وچ پیدا ہوئے، گلوکار بنن توں پہلاں اوہناں نے تھوڑے وقت لئی پاکستان ایئر فورس وچ سیولین کنٹریکٹر تے انجینئر دے طور تے کم کیتا۔ اوہناں دے والد جمشید اکبر خان پاکستان ایئر فورس وچ ریٹائرڈ گروپ کیپٹن سن۔ 2004 وچ جنید جمشید نے اپنی زندگی اسلام لئی وقف کرنے دا اعلان کیتا تے موسیقی نال توں ودعا لے لیا سی۔
