پاک چین تعلقات خطے دے امن تے ترقی دی بنیاد نیں:اسحاق ڈار
اسلام آباد (این این آئی( پاکستان دے نائب وزیراعظم تے وزیر خارجہ سینیٹر اسحاق ڈار نے زور دتا اے کہ پاکستان تے چین دے سفارتی تعلقات دے 75 ورھے مکمل ہون دا موقع شایان شان طریقے نال منایا جاوے۔ وزارت خارجہ وچ نائب وزیراعظم تے وزیر خارجہ سینیٹر اسحاق ڈار دی زیر صدارت پاکستان چین تعلقات دے ودھاوے توں متعلق اک اہم اجلاس منعقد ہویا جیہدے وچ دونویں ملکاں دے وچکار جاری تعاون دا تفصیلی جائزہ لیتا گیا۔ اجلاس وچ سارے شعبیاں وچ پاک چین شراکت داری، مشترکہ منصوبیاں تے مستقبل دے تعاون تے بریفنگ دتی گئی۔ کمیٹی نے ایس تریخی سنگ میل نوں بھرواں انداز وچ اجاگر کرن تے دونویں ملکاں دی دیرینہ دوستی نوں ہور مستحکم کرن لئی متعدد تجاویز وی پیش کیتیاں۔ ایس موقع تے نائب وزیراعظم اسحاق ڈار نے زور دتا کہ پاکستان تے چین دے سفارتی تعلقات دے 75 سال مکمل ہون دا موقع شایان شان طریقے نال منایا جاوے۔
