بھارتی خفیہ ایجنسی را دے 12دہشتگرد بھاری اسلحہ تے بارود نے گرفتار
دہشتگرداں توں اک مدرسے تے اک میلے دی تصویراں، ویڈیو تے لوکیشن وی برآمد
لہور (این این آئی) سی ٹی ڈی پنجاب نے بھارتی خفیہ ایجنسی را دے 12دہشتگرداں نوں بھاری مقدار وچ اسلحہ، بارودی مواد، ڈیٹونیٹر، آئی ڈی بم تے نقدی سنے گرفتار کر لیتا۔ سی ٹی ڈی پنجاب دے مطابق گرفتار را دے دہشتگرداں دے قبضے توں حساس مقامات تے حساس اداریاں دی تصویراں ویڈیو لوکیشن وی برآمد کر لیتی گئی۔ دہشتگرداں توں اک مدرسے تے اک میلے دی تصویراں، ویڈیو تے لوکیشن وی برآمد ہوئی۔ حکام نے دسیا کہ فیصل آباد توں گرفتار دہشتگرد پنجاب وچ خوف و ہراس پھیلان دے نال مذہبی منافرت وی پھیلانا چاہندے سن۔ لہور توں گرفتار را دے دہشتگرداں وچ دیپ سنگھ، عظمت، فیضان، نبیل ابرار، عثمان سرفراز جد کہ فیصل آباد توں دانش نوں پھڑیا گیا۔ دسیا گیاکہ بہاولپور توں گرفتار فتنہ الہندوستنا دے دہشتگرداں وچ رجب، ہاشم، ثاقب تے عارف شامل نیں۔ سی ٹی دی ولوں دسیا گیا کہ عادل نامی اک فیس بک آئی ڈی جو کہ انڈیا وچ را اپریٹ کر رہی سی دی مدد نال دہشتگرداں نوں گرفتار کیتا۔ دہشتگرداں نوں بھارتی دہشتگرد ایجنسی را توں بھاری فنڈنگ وی کیتی جاندی سی۔
