پنجاب بھر وچ ٹرانسپورٹرز دی پہیہ جام ہڑتال، متعددبس اڈے بند، مسافر، تاجر پریشان
ہڑتال دے کارن شیواں دی نقل و حمل دے اڈے بند رہے۔ دوجے شہراں لئی بکنگ نہ کیتی گئی
لہور (این این آئی)ٹریفک قوانین وچ تبدیلی تے بھاری جرمانیاں دے خلاف ٹرانسپورٹراز نے پہیہ جام ہڑتال کیتی جیہدی وجہ نال ٹرکان تے بساں دے متعدد اڈے بند رکھے گئے۔ ہڑتال دی وجہ نال مسافراں تے سامان دی بکنگ کران والے تاجراں نوں شدید مشکلات دا سامنا کرنا پیا۔ تفصیلات دے مطابق ٹرانسپورٹرز دی تنظیماں ولوں ٹریفک قوانین وچ تبدیلی تے بھارتی جرمانیاں دے خلاف پیر دے دن پہیہ جام ہڑتال دی کال تے شیراکوٹ بند روڈ سنے پنجاب دے مختلف اضلاع وچ متعدد بس اڈے تے بکنگ آفس بند رہے جیہدی وجہ نال مسافراں نوں شدید پریشانی دا سامنا رہیا۔ ہفتہ تے اتوار دی تعطیلات گھراں وچ منان مگروں واپس آن والے سرکاری ملازمین وی مشکلات دا شکار رہے۔ دوجے پاسے شہراں وچ شیواں دی سپلائی کرن والے اڈے وی بند رہے جیہدی وجہ نال تاجراں نوں شدید مشکلات دا سامنا کرنا پیا۔ تاجراں دا آکھنا اے کہ بہت سارے شہراں توں ہفتہ تے اتوار دے دن لوڈنگ مگروں پیر دے دن سامان پہنچدا اے پر ٹرانسپورٹرز ولوں پیر دے دن پہیہ جام ہڑتال دے پیش نظر اتوار کسے دن کسے طرح دی لوڈنگ نہیں کیتی گئی۔
