مریم نواز راشن کارڈ پروگرام لئی درخواستاں دی دوبارہ جانچ پڑتال دا فیصلہ
شفافیت نوں مدنظر رکھدے ہوئے ڈیٹا دی دوبارہ توں تصدیق کیتی جائے گی:حکام
لہور (این این آئی) مریم نواز راشن کارڈ پروگرام لئی 3,339 شہریاں دی درخواستاں دی دوبارہ توں جانچ پڑتال دا فیصلہ کیتا گیا اے۔ حکام دے مطابق شفافیت نوں مدنظر رکھدے ہوئے ڈیٹا دی دوبارہ توں تصدیق کیتی جائے گی۔ سماجی طورتے کمزور خانداناں نوں راشن کارڈ دین لئی وکھ توں ڈیٹا طلب کیتا گیا سی تے سوشل ویلفیئر ڈیپارٹمنٹ نوں مجموعی طور تے 9,498 افراد دا ڈیٹا موصول ہویا اے۔ مستحقین لئی 6,159راشن کارڈز دی طباعت مکمل کر لیتی گئی اے۔ پنجاب وچ راشن کارڈ لئی چار ارب روپے دی سبسڈی دتی جائے گی جو اشیاء خورونوش دی خریداری تے راشن کارڈ توں حاصل ہووے گی۔ ایس توں پہلاں وی پنجاب وچ شہریاں نوں روشن کارڈ دتے جا چکے نیں۔وزیراعلیٰ ولوں سماجی طور تے کمزور خانداناں لئی وکھرے توں پروگرام شروع کیتا گیا سی۔
