ٹریفک پلس دے ناروا رویے دے خلاف شکایتاں لئی شکایت سیل قائم
چالان، لائسنس سنے ٹریفک پلس توں متعلقہ ساریاں شکایتاں درج کروائیاں جا سکن گئیاں
لہور (این این آئی) اوورچارجنگ، قنونی معاونت تے ٹریفک پلس دے ناروا رویے دے حوالے نال شکایتاں لئی لہور سنے پنجاب بھر وچ شکایات سیل قائم کردتے گئے۔ تفصیلات دے مطابق شکایات سیلز دا قیام موٹروہیکل آرڈیننس وچ ترمیماں مگروں شکایتاں دی ودھدی ہوئی گنتی اُتے عمل وچ لیایا گیا اے۔ شکایات سیلز وچ ہر ریجن وچ ڈی ایس پی رینک دا افسر فوکل پرسن مقرر کردتا گیا اے جتھے شہری تے ٹرانسپورٹرز وارڈنز دے رویے دے حوالے نال شکایتاں کر سکن گے۔ ایس دے علاوہ چالانز تے لائسنس سنے ٹریفک پلس توں متعلقہ ساریاں شکایتاں وی درج کروائیاں جا سکن گئیاں۔ ایس حوالے نال ڈی آئی جی ٹریفک وقاص نذیر دا آکھنا سی کہ فوکل پرسنز متعلقہ ڈی پی اوز تے سی پی اوز دے ماتحت کم کراں گے۔فوکل پرسنز توں ٹرانسپورٹرز تے شہری قنونی معاونت لئی مدد لے سکن گے۔
