ساڈے مسائل دا حل مشاورت وچ مضمر اے:ملک شعیب اعوان
تاجدار ختم نبوتﷺ دی تعلیمات نے امن، صبر تے برداشت دا سبق دتا
سرگودھا (این این آئی) چیئرمین پنجاب ایجوکیشنل فائونڈیشن ملک شعیب اعوان نے آکھیا کہ تحفظ ختم نبوتﷺ ساڈے ایمان دا حصہ اے۔ اوہناں نے پروفیسر تے اساتذہ دے سالانہ ختم نبوت کنونشن وچ آکھیا کہ 7 ستمبر 1974نوں پاکستان دی پارلیمنٹ نے قادیانیاں نوں غیر مسلم اقلیت قرار دتا۔ اوہناں نے آکھیا کہ تاجدار ختم نبوت محمد مصطفیﷺ دی تعلیمات نے عالم انسانیت نوں امن، صبر تے برداشت دا سبق دتا۔ ساہنوں اپنے معاملات حل کرن لئی تشدد توں گریز کرنا چاہیدا اے۔ ساڈے مسائل دا حل مشاورت وچ مضمر اے تے اپے معاملات حکام بالا دے عمل وچ لیان لئی پرامن طریقہ اختیار کرنا چاہیدا اے۔ ڈائریکٹر سیکنڈری ایجوکیشن سیدوحید الدین شاہ،پروفیسر مختار احمد اعوان، مولانا شاہد مسعود، مولانا خالد عابد، ڈاکٹر ہارون الرشید تبسم، پروفیسر ڈاکٹر عبدالرحیم رائے پوری، مولانا عبدالرشید، مولانا حیدر علی تے دوجیاں نے آکھیا کہ تحفظ ختم نبوت لئی اسیں کسے وی قربانی توں دریغ نہیں کراں گے۔ اوہناں نے آکھیا کہ قادیانی چاپلوسی راہیں لوکاں نوںگمراہ کردے نیں۔ اوہناں دے چہرے اُے چہرہ چڑھیا وکھالی دیندا اے۔
