وزیر اعظم ولوں پٹرول پمپ مافیا خلاف کارروائی دا حکم

اسلام آباد( بیوروروپورٹ) وزیر اعظم عمران خان نے ملک اندر پیٹرول دی قلت اُتے شدید غصہ کیتا اے ۔ذمے داراں دے خلاف کارروائی تےتین دن دے اندر دستیابی یقینی بنان دی ہدایت جاری۔ وفاقی کابینہ دے اجلاس اندر وزیراعظم عمران خان سمیت کابینہ ارکان نے پیٹرول دی قلت، وزارت توانائی تےچیئرمین اوگرا تے شدیدغصہ دا اظہار کیتا۔ وزیر اعظم نے آکھیاکہ پیٹرول دی قلت پیدا کرنے والیاںدے خلاف کارروائی کیتی جائے۔ اجلاس اندر مقررہ سٹاک نہ رکھن والی کمپنیاں دا لائسنس منسوخ کرن دا فیصلہ کیتا گیا وزیر اعظم نے آکھیا کہ الیکشن اندر تحریک انصاف نوں احتساب کر ن لئی مینڈیٹ ملیا۔ بنیادی اشیائے ضروریہ دی مناسب قیمتاں تے دستیابی اولین ترجیح اے ۔ماضی اندر سیاسی اثرورسوخ استعمال کرکے غریب عوام دی جیباں تے ڈاکہ ماریا گیا۔ تحقیقاتی رپورٹ دی روشنی وچ کارروائی لئی متعلقہ اداروںنوں کیسز بھجوا دتے گئے ۔سیاست نوں کاروبارلئی استعمال کرن والیاں توں حساب لیا جائے گا۔