پاک انڈونیشیا دوستی ہر آزمائش تے پور ااتری، تعلقات بلندیاں نوں چھون گے:وزیراعظم
اسلام آباد (این این آئی) وزیراعظم شہباز شریف نے آکھیا اے کہ پاکستان تے انڈونیشیا دے تعلقات 75 سال تے مبنی نیں۔ پاکستان تے انڈونیشیا دے تعلقات ہر آزمائش تے پورے اتردے نیں۔ دونویں ملکاں دے تعلقات ہور بلندیاں نوں چھون گے۔ انڈونیشیا دے صدر تے ابووسوبیانتو دے نال نیوز کانفرنس کردیاں وزیراعظم شہباز شریف نے آکھیا کہ انڈونیشیا دے صدر نوں پاکستان وچ خوش آمدید کہنا واں۔ انڈونیشیا دے کسے وی صدر دا ایہہ ست سال مگروں پاکستان دا پہلا دورہ اے۔ صدر تے ابووسوبیانتو انڈونیشیا دے مدبر رہنما نیں۔ وزیراعظم شہباز شریف نے آکھیا کہ اج دی گل انتہائی مثبت تے تعمیری رہی۔ میڈیکل ہیلتھ ، ووکیشنل ٹریننگ وچ تعاو ن تے گل بات ہوئی۔ اسیں باہمی تجارت وچ توازن اُتے گل بات کیتی۔ پاکستان ڈاکٹرز، میڈیکل پروفیسرز تے ماہرین نوں انڈونیشیا بھیجن تے اتفاق ہویا۔ اوہناں نے آکھیا کہ پاکستان تے انڈونیشیا دے تعلقات دی تریخ 75 سال تے مبنی اے۔ پاکستان تے انڈونیشیا دے تعلقات ہر آزمائش تے پورے اترے نیں۔ انڈونیشیا دی حکومت تے عوام نے جنگ وچ پاکستان دے نال اظہار یکجہتی کیتا۔ پاکستان تے انڈونیشیا دی دوستی ہر آزمائش تے پوری اتری اے۔ اوہناں نے ایہہ وی آکھیا کہ غزہ وچ اسرائیل ولوں سیچنگ بندی دی خلاف ورزیاں قابل مذمت نیں۔انڈونیشیا صدر دے دورے توں دونویں ملکاں دے تعلقات ہور بلندیاں نوں چھون گے۔
