حکومت پاکستان انسانی حقوق دے تحفظ تے ودھاوے لئی پرعزم اے:صدر زرداری
ساہنوں قومی اداریاں تے بین الاقوامی شراکت داراں دے نال رل کے اپنی مشترکہ اقدار دا تحفظ کرنا ہووے گا:سُنیہا
اسلام آباد (این این آئی) صدر مملکت آصف علی زرداری نے آکھیا کہ حکومت پاکستان انسانی حقوق دے تحفظ تے ودھاوے لئی پرعزم اے۔ کمزور تے پسماندہ طبقیاں تے خصوصی توجہ دتی جاوے تے اوہناں دے حقوق دے تحفظ لئی قنونی، معاشی تے سماجی ڈھانچے نوں ہور مضبوط بنایا جاوے۔ ساہنوں سول سوسائٹی، انسانی حقوق دے علمبرداراں، قومی اداریاں تے بین الاقوامی شراکت داراں دے نال رل کے اپنی مشترکہ اقدار دا تحفظ کرنا ہووے گا۔ انسانی حقوق دے بین الاقوامی دن تے اپنے سُنیہا وچ اوہناں نے آکھیا کہ اج دے دن اسیں ہر فرددی عزت، مساوات تے انصاف دے تحفظ دے عزم دی تجدید کردے نیں۔ چاہے اوہدا تعلق کسے وی نسل،مذہب، جنس، زبان یا سماجی حیثیت توں ہووے۔ ایہہ دن ساہنوں ایس عزم دی یادد دواندا اے کہ اسیں سب انسانی حقوق دے ودھاوے تے تحفظ لئی کوششاں جاری رکھیاں۔
