عمران خان نال کسے دی ملاقات دا اک فیصد وی امکان نہیں:عطا تارڑ

اسلام آباد (این این آئی) وفاقی وزیر اطلاعات عطا تارڑ نے آکھیا کہ قنون دی خلاف ورزی دے بعد کسے دا عمران خان نال ملاقات دا اک فیصد وی امکان نہیں اے۔اک انٹرویو وچ عطا تارڑ نے آکھیا کہ ٹرانسپرنسی انٹرنیشنل دے سروے وچ 66 فیصد لوکائی نے آکھیا کہ کسے کم لئی رشوت نہیں دتی ملک وچ شفافیت تے میرٹ نوں ترجیح دتی گئی اے۔ ملک دے ڈیفالٹ دی شرطاں لگدیاں سن پر ہن اسیں استحکام توں ترقی ول جا رہے نیں۔ اوہناں نے آکھیا کہ آئی ایم ایف دے تحت ریفارم تے فیٹف دی گرے لسٹ توں نکلن توں معاشی استحکام آیا اے۔ آئی ایم ایف نے ساڈے ریفارم سٹرکچر دی تعریف کیتی اے۔ ایف بی آر وچ سفارش بالکل ختم کردتی گئی اے۔ اوہناں نے آکھیا کہ 2019 وچ پی ٹی آئی دور وچ رپورٹ آئی کہ چینی گھٹ اے۔ ایکسپورٹ نہیں کیتی جاوے۔ اسیں جدوں چینی ایکسپورٹ کیتی تے وافر مقدار وچ سی۔ آئی ایف ایم رپورٹ وچ چینی دے حوالے نال پی ٹی آئی دور دا ذکر اے۔ عطا تارڑ نے آکھیا کہ حکومت ڈی ریگولیشن ولوں جا رہی اے۔ وزیراعظم نے چینی دے ذخیرہ اندوزاں دے خلاف کریک ڈائون کرایا۔ ہن شوگر ملز توں نکلن والی چینی دی اک بوری تے وی کیو آر کوڈ درج اے۔ اوہنوں ٹریس کیتا جا سکدا اے۔ چینی دی ذخیرہ اندوزی دا سوال ای پیدا نہیں ہُندا جتھے چینی دی 10بوریاں سن اوہ سیل وی ہوئیاں تے گرفتاریاں وی ہوئیاں۔ اوہناں نے آکھیا کہ 2019 وچ پی ٹی آئی دور وچ رپورٹ آئی کہ چینی گھٹ اے۔ ایکسپورٹ نہیں کیتی جاوے۔ اسیں جدوں چینی ایکسپورٹ کیتی تے وافر مقدار وچ سی۔ آئی ایف ایم رپورٹ وچ چینی دے حوالے نال پی ٹی آئی دور دا ذکر اے۔ عطا تارڑ نے آکھیا کہ حکومت ڈی ریگولیشن ولوں جا رہی اے۔ وزیراعظم نے چینی دے ذخیرہ اندوزاں دے خلاف کریک ڈائون کرایا۔ ہن شوگر ملز توں نکلن والی چینی دی اک بوری تے وی کیو آر کوڈ درج اے۔ اوہنوں ٹریس کیتا جا سکدا اے۔ چینی دی ذخیرہ اندوزی دا سوال ای پیدا نہیں ہُندا جتھے چینی دی 10بوریاں سن اوہ سیل وی ہوئیاں تے گرفتاریاں وی ہوئیاں۔