ٹریفک قوانین سخت ہون مگروں ڈرائیونگ لائسنس دے اجراء وچ ریکارڈ وادھا
12دناں دے دوران 15 لکھ شہریلائسنسنگ سہولتاں توں مستفید ہوئے:ترجمان
لہور (این این آئی)پنجاب وچنویں ٹریفک قوانین دے نفاذ مگروں ڈرائیونگ لائسنس دے حصول وچ شہریاں دی دلچسپی ریکارڈ سطح تیکر اپڑ گئی۔ ترجمان ٹریفک پلس دے مطابق پچھلے 12دناں دے دوران 15لکھ شہری لائسنسنگ سہولتاں توں مستفید ہوئے جد کہ صرف 24گھنٹیاں وچ اک لکھ 18 ہزار افراد نے لائسنس بنوان لئی مراکز دا رخ کیتا۔ زنانیاں نوں بااختیار بنان دے سلسلے وچ 13ہزار توں ودھ زنانیاں نوںڈرائیونگ لائسنس جاری کیتے گئے۔ ڈی آئی جی ٹریفک پنجاب دے مطابق 8لکھ توں ودھ شہری گھر بیٹھے آن لائن لائسنسنگ پورٹل راہیں سہولت حاصل کر چکے نیں۔ شہریاں دی ودھدی تعداد نوں ویکھدیاںصوبے بھر وچ لائسنسنگ سہولتاںوچ ہور وادھا کیتا جا رہیا اے۔ ڈی آئی جی نے دسیا کہ ڈرائیونگ لائسنس سینٹرز دا دورانیہ ودھا کے تن شفٹاں اُتے مشتمل کردتا گیا اے۔
