کینسر، دل دے مریضاں دے علاج دے اخراجات حکومت ادا کرے گی
وزیراعلیٰ سپیشل انیشیٹو برائے کینسر پیشنٹ کارڈ متعارف کرا دا فیصلہ، پہلے مرحلے وچ 45ہزار نوں کارڈ دتا جاوے گا
لہور (این این آئی) پنجاب حکومت نے کینسر تے دل دے مریضاں دے علاج دے اخراجات دا بوجھ چکن دا اعلان کردتا۔ وزیراعلیٰ سپیشل انیشیٹو برائے کینسر پیشنٹ کارڈ متعارف کران دا فیصلہ کیتا گیا اے۔کینسر تے دل دے مرض وچ مبتلا افراد دے علاج دا مکمل خرچ حکومت ادا کرے گی۔ کینسر تے کارڈیک سرجری لئی خصوصی کارڈ متعارف کران دا فیصلہ کیتا گیا۔ مریض 10لکھ تیکر دے علاج دیسہولت مفت حاصل کر سکے گا۔ پہلے مرحلے وچ 45ہزار مریضاں نوں سی ایم سپیشل انیشیٹو کارڈ دتا جاوے گا۔ چیف منسٹر کارڈیک سرجری پروگرام کارڈ توں مفت سرجری کیتی جاوے گی۔ وزیراعلیٰ نے فالج دے ویلے تے علاج لئی وی پروگرام پلان طلب کر لیتا اے۔ سیکرٹری سپیشلائزڈ ہیلتھ نے وزیراعلیٰ مریم نواز نوں تفصیلی بریفنگ دتی۔ 17جنوری تیکر نواز شریف انسٹیٹیوٹ کینسر ٹریٹمنٹ دا او پی ڈی بلاک فعال ہووے گا۔ ہزاراں مریضاں دی زندگی بچان دا عزم پورا کیتا جاوے گا۔ نواز شریف انسٹیٹیوٹ آف کارڈیالوجی سرگودھا 31جنوری تیکر فعال کرن دی ڈیڈ لائن دتی گئی۔ انسٹیٹیوٹ آف کینسر ٹریٹمنٹ وچ پہلے مرحلے وچ 219آسامیاں تے بھرتیاں دی منظوری دتی گئی۔ انسٹیٹیوٹ آف کارڈیالوجی سرگودھا وچ آئی پی ڈی 31جنوری تیکر مکمل فنکشنل ہووے گی۔ ایمرجنسی، پتھالویالوجی تے شعبہ ریڈیالوجی 31جنوری تیکر مکمل فنکشنل ہووے گا۔
