پنجاب حکومت نے بسنت دا تہوار منان دی اجازت دے دتی
لہور (این این آئی)پنجاب حکومت نے بسنت دا تہوار منان دی اجازت دے دتی۔ سماجی رابطے دی ویب سائٹ ایکس تے سینئر صوبائی وزیر پنجاب مریم اورنگزیب نےآکھیا اے کہ وزیراعلیٰ پنجاب مریم نواز شریف نے 25 سال مگروں ساڈے محبوب ورثہ تے تہذیبی میلے بسنت دی بحالی دی منظوری دے دتی اے۔ اوہناں نے آکھیا کہ 7,6 تے 8فروری نوں پورے لہور وچ بسنت دا تہوار منایا جاوے گا۔ اوہناں دا آکھنا سی کہ بسنت اک ایسا تہوار جیہدی جڑاں تریخ وچ پیوست نیں تے جھوں دنیا بھر وچ سرہایا جاندا اے۔ بسنت آرڈیننس 2025تے مکمل عملدرآمد کیتا جاوے گا۔ ہر پتنگ، ہر دھاگہ تے ہر فروخت کنندہ درج شدہ،کیو آرکوڈ دے تحت تے مانیٹرنگ دے نال ہووے گا۔ بسنت عوام دی تہذیب تے خوشی دا حصہ اے۔ ایہدی کامیابی ساڈے ساریاں دی مشترکہ ذمہ واری اے۔ مریم اورنگزیب نے آکھیا کہ وزیراعلیٰ پنجاب دی ہدایات تے لہور بھر وچ موٹرسائیکلاں اُتے سیفٹی اینٹینا لان دی مہم کل توں شروع ہو رہی اے۔ بسنت توں پہلے تے بسنت دے دوران لہور دی ہر موٹرسائیکل اُتے حفاظتی اینٹینا نصب کیتا جاوے گا۔بسنت آرڈیننس 2025تے مکمل عملدرآمد کیتا جاوے گا۔ ہر پتنگ، ہر دھاگہ تے ہر فروخت کنندہ درج شدہ،کیو آرکوڈ دے تحت تے مانیٹرنگ دے نال ہووے گا۔ بسنت عوام دی تہذیب تے خوشی دا حصہ اے۔ ایہدی کامیابی ساڈے ساریاں دی مشترکہ ذمہ واری اے۔ مریم اورنگزیب نے آکھیا کہ وزیراعلیٰ پنجاب دی ہدایات تے لہور بھر وچ موٹرسائیکلاں اُتے سیفٹی اینٹینا لان دی مہم کل توں شروع ہو رہی اے۔ بسنت توں پہلے تے بسنت دے دوران لہور دی ہر موٹرسائیکل اُتے حفاظتی اینٹینا نصب کیتا جاوے گا۔
