مہر بانو نے ڈزنی دی شہزادی جیسمین دا روپ دھار لیا
لہور (سٹی رپورٹر) پاکستانی شوبز انڈسٹری دی اداکارہ مہر بانو نے ڈزنی دی شہزادی جیسمین دا روپ دھار کے مداحاں نوں متاثر کر دتا۔ مہر بانو اکثر ای اپنے سوشل میڈیا اکانٹس تے دلچسپ تے منفرد ویڈیوز شیئر کردیاں رہندیاں نیں۔ حال ای وچ اداکارہ نے فوٹو اینڈ ویڈیو شیئرنگ تے اک نویں ویڈیو شیئر کیتی اے جوکہ سوشل میڈیا تے وائرل ہو گئی اے۔ ایس وائرل ویڈیو وچ اداکارہ نوںو فیروزی رنگ دے خوبصورت لباس پائے ڈزنی دی شہزادی جیسمین دا روپ دھار کے بھارتی گلوکار دلجیت دوسانجھ دے مشہور گانے چارمر تے ڈانس کردیاں نظر آ رہیاں نیں۔ مہر بانو نے ویڈیو دی تھیم دے حساب نال اوہنوں شوٹ وی اک خوبصورت کوریڈور کیتا اے۔ سوشل میڈیا صارفین ولوں اداکارہ دی ایس ویڈیو نوں بہت پسند کیتا جا رہیا اے۔
