غلط رشتے وچ پین نال دیر نال محبت مل جانا بہتر اے، اداکارہ زویا ناصر
کراچی (بیورورپورٹ) معروف اداکارہ ، میک اپ آرٹسٹ تے سوشل میڈیا انفلوئنسر زویا ناصر نے دوبارہ محبت نہ کرن دی وجہ دس دتی۔ زویا ناصر نے طویل عرصے بعد اپنی ذاتی زندگی تے رشتیاں دے بارے وچ کھل کے گل بات کیتی اے، اوہناں دے والد نصیر ادیب پاکستان فلم انڈسٹری دا وڈا ناں نیں، اوہ اپنی فطری اداکاری پاروں کئی مقبول پروجیکٹس وچ پہچانیاں جاندیاں نیں۔گزشتہ سالاں وچ زویا ناصر دی کنٹینٹ کریئیٹر کرسچن بیٹزمین دے نال منگنی تے فیر علیحدگی نے خاصی توجہ حاصل کیتی سی، بیٹزمین دے پاکستان تے اسلام دے خلاف متنازع تبصریاں دے بعد دونواں نے رستے وکھ کر لئے سن۔ اک پوڈکاسٹ وچ گل بات کردیاں ہوئیاں زویا ناصر نے دسیاں کہ میں ایس ویلے اپنی زندگی دے انج دے مقام تے آں جتھے سکون تے اطمینان محسوس کردی آں۔ اوہناں دا کہنا سی کہ جے زندگی دے سفر وچ کوئی انج دا شخص آندا اے جو میری سمت توں ہم آہنگ ہووے، تے میں رشتے لئی ضرور تیار ہوواں گی، پر میں کسی نوں تلاش کرن لئی آپ کوئی خاص کوشش نہیں کراں گی۔
