چینی باشندیاں ،غیر ملکیاں دی سکیورٹی مزید مؤثر بنان دی ہدایت
لہور (سٹی رپورٹر) سربراہ اہور پُلس بلال صدیق کمیانہ دی زیر ِصدارت کیپٹل سٹی پُلس ہیڈ کوارٹرز وچ سول لائنز تے سٹی ڈویژنز دی کارکردگی دا جائزہ اجلاس منعقد ہویا۔ جہدے وچ امن و امان دی مجموعی صورتحال، جرائم دی روک تھام تے پبلک سروس ڈیلیوری توں متعلق اہم امور تے تبادلہ خیال کیتا گیا۔ سی سی پی او لہور نے چینی باشندیاں سنے دیگر غیر ملکیاں دی سکیورٹی مزید مؤثر بنان دی ہدایت کردیاں ہوئیاں کہیا کہ ہاٹ اسپاٹ علاقیاں وچ مؤثرکامبنگ آپریشنز باقاعدگی نال جاری رکھے جان۔ اوہناں نے قنون شکن عناصر دے سہولت کاراں تے کڑی نظر رکھن تے اوہناں دے خلاف بلال امتیاز کارروائی یقینی بنان دی ہدایت کیتی۔ بلال صدیق کمیانہ نے کہیا کہ منشیات فروشی دے مکمل خاتمے لئی نتیجہ خیز اقدامات ناگزیر نیں ۔ اوہناں نے اشتہاری ملزمان دیاں گرفتاریاں نوں مزید تیز کرن تے نجائز اسلحہ رکھن والیاں دے خلاف سخت کارروائیاں کرن دا حکم دتا۔
