حکمران صدیق اکبرؓ دے طرز حکمرانی توں سبق حاصل کرن‘سنی علما کونسل
لہور (سٹی رپورٹر ) صدر سنی علما کونسل لہور وصوبائی ترجمان مولانا حافظ حسین احمد نے کہیا اے کہ حکمران صدیق اکبرؓ دے طرز حکمرانی توں سبق حا صل کرن، صدیق اکبرؓ دیاں 4 پشتاں نوں شرف صحابیت نصیب ہویا ، سیدنا صدیقؓ نے منکرین ختم نبوتؐ دا خاتمہ کیتا، سیدنا صدیقؓ دا دور خلافت شجاعت تدبر امانت صداقت تے امت دی خیر خواہی دا دورہ سی۔ ایہناں خیالاں دا اظہار اوہناں نے اسٹیشن جامع مسجد وچ سیدنا صدیق اکبرؓ تقریب نال خطاب کردیاں ہوئے کیتا اوہناں نے کہیا کہ افضل البشر بعدالانبیا خلیفہ رسول خلیفہ بلافصل تاجدار خلافت راشدہ پیکر صدق ووفا یار غار امیر المومنین حضرت ابوبکر صدیقؓ سچے عاشق رسول سن، واقعہ معراج دی سب توں پہلاں تصدیق وی صدیق اکبرؓ نے کیتی،آپؓ دا دور خلافت 2 سال 3 مہینے 9 دن سی جہدے توں اسلام دیاں سرحداں 11 لکھ مربع میل تک پھیلیاں ،آپؓ دی اسلام لئی خدمات مشعل راہ نیں، حضرت ابوبکر صدیق سچے عاشق رسولﷺ سن محمد عربیِﷺ دی وفات دے بعد جھوٹے مدعیان نبوت منکرین زکو تے دیگر فتنیاں دے خلاف بیک وقت 11 محاذاں تے جہاد کیتا تے فتنیاں تے فساد دا خاتمہ کیتا۔
