جہانیاں،تعلیمی اداریاں وچ موک ایکسرسائز دا اہتمام کیتا گیا
جہانیاں (بیورورپورٹ) تعلیمی اداریاں وچ موک ایکسرسائز دا اہتمام کیتا گیا ، پُلس و ایلیٹ فورس نے مشتبہ افراد نوں حراست وچ لین جدکہ ریسکیو نے اک زخمیاں نوں طبی امداد تے ہسپتال منتقل کرن دے مظاہرے پیش کیتے، پُلس و ایلیٹ فورس ، ریسکیو ، ٹریفک پُلس نے موک ایکسرسائز وچ حصہ لیا ، اسسٹنٹ کمشنر و ایس ڈی پی او نے موک ایکسرسائز دا معائنہ کیتا۔ تفصیلاں موجب شہریاں تے تعلیمی اداریاں وچ اساتذہ و طلبہ وچ احساس تحفظ پیدا کرن لئی ڈویژنل پبلک سکول جہانیاں تے چک نمبر 174دس آر دے وحید آباد کرسچن سکول وچ کسے وی ناگہانی صورتحال نال نپٹن لئی موک ایکسرسائز دا اہتمام کیتا گیا ایس دوران جہانیاں پُلس ، ریسکیو 1122، ایلیٹ فورس‘ ٹریفک پُلس سنے خفیہ ایجنسیاں دے اہلکاراں دی کارکردگی جانچن لئی اوہناں نوں اطلاع دتی گئی کہ ڈی پی ایس وچ فوری ریسپانس دو۔ پُلس و ایلیٹ فورس، ریسکیو تے دیگر ادارے اطلاع ملدیاں ای مقررہ وقت وچ مخصوص جگہ تے پہنچ گئے۔ ایس موقع تے ایلیٹ فورس و پُلس نے سکولاں دے مختلف کمریاں وچ چھپے مشتبہ افراد نوں ہینڈز اپ کروا کے اوہناں نوں حراست وچ لین دا مظاہرہ جدکہ مزاحمت تے مختلف افراد دے زخمی ہون تے ریسکیو 1122اہلکاراں ولوں فوری طبی امداد تے ہسپتال منتقل کرن دے مظاہرے وی کیتے گئے
