نیشنل کمانڈ اینڈ آپریشن سینٹر نے وینٹی لیٹرز دی تفصیل جاری کر دتی

اسلام آباد(بیوررپورٹ) نیشنل کمانڈ اینڈ آپریشن سینٹر نے پورے ملک اندر دی وینٹی لیٹرزدی تفصیل جاری کر دتی۔ جس دے مطابق پنجاب دے ہسپتالاں اندر کورونا لئی 9 ہزار 276 بیڈنیں جد کہ پنجاب اندر 3 ہزار 500 بیڈزتے آکسیجن دی سہولت موجود اے ۔رپورٹ دے مطابق پنجاب اندر 387 وینٹی لیٹرز موجود نیں۔ لاہوراندر 214، فیصل آباد اندر 57، راولپنڈی اندر 64 تے ملتان اندر 18 وینٹی لیٹرز شامل نیں ۔ پنجاب اندر ایس وقت 159 مریض وینٹی لیٹرز اُتے نیں۔سندھ اندر کورونادے 8 ہزار 94 بیڈ موجود نیں جبکہ صوبے اندر 548 بیڈ دے نال آکسیجن دی سہولت موجود اے ۔ سندھ اندر وینٹی لیٹرزدی تعداد 304اے ۔کراچی اندر 214 تے حیدر آباد اندر 20 وینٹی لیٹرز نیں۔ سندھ اندرایس وقت 83 مریض وینٹی لیٹرزاُتے نیں۔این سی او سی دے مطابق خیبر پختونخوا اندر 5 ہزار 110 بیڈ کورونا لئی مختص نیں جد کہ 628 بیڈز آکسیجن لئی موجود نیں ۔خیبر پختونخوا اندر 313 وینٹی لیٹرز نیں۔ پشاوراندر79 تے ایبٹ آباد اندر 12 ہیں۔ خیبر پختونخوا اندر ایس وقت 70 مریض وینٹی لیٹرز اُتے نیں ۔بلوچستان اندر 2 ہزار 148 بیڈ کورونا مریضوں لئی مختص نیں نے 68 بیڈز اُتے آکسیجن دی سہولت موجود اے ۔ بلوچستان اندر 29 وینٹی لیٹرز موجود نیںتے اوہ سارے ای کوئٹہ وچ نیں