وادی کاغان وچ آتشزدگی ، 7 مکانات سڑ کے راکھ ، کروڑاں دا نقصان
بالاکوٹ (این این آئی) وادی کاغان دے پنڈ جرید وچ نامعلوم وجوہات دی بنا تے لگی اگ پھیلن نال 7 مکانات سڑکے راکھ ہو گئے۔ بالا کوٹ وچ عینی شاہدین موجب آتشزدگی دے نتیجے وچ 7 رہائشی مکانات مکمل طور تے سڑ کے راکھ دا ڈھیر بن گئے۔ مقامی افراد اپنی مدد آپ دے تحت اگ بجھان دی کوشش کر رہے نیں تاہم شدید دھواں تے اگ دی شدت پاروں نقصان دا حجم ودھ گیا اے۔متاثرہ خانداناں دی جمع پونجی وی سڑ کے راکھ ہو گئی اے جہدے نال اوہناں دا مالی نقصان کروڑاں روپے وچ پہنچ گیا اے۔
