ن لیگی قیادت کورونا دی لپیٹ وچ آ گئی اے: خواجہ آصف

اسلام آباد: خواجہ آصف آکھیا اے (ن) لیگ دی اگلی پوری صف کورونا دی لپیٹ وچ آ چکی، وزیراعظم دے لاک ڈاؤن تے متضاد بیانات نیں، ہے کوئی جہڑا ایہناں بیانات دی تشریح کرے، دور دور تک حکومتی کامیابی دا نام و نشان نہیں، خدا لئی انسانی جاناں تے سیاست نہ کرو۔ مسلم لیگ (ن) دے رہنما خواجہ آصف نے قومی اسمبلی وچ اظہار خیال کردیاں آکھیا کسے وی شعبے نوں لے لوو، دور دور تک کامیابیاں دا ناں نہیں، ساڈے توں قیمت وصول کر لوو پر خدا لئی کجھ کم تے کرو، ایس ویلے بحران گورننس تے پالیسی دا اے، سرکار دا کوئی رخ، کوئی سمت نہیں، گزارا کیتا جا رہیا اے، کل اک وزیر دا بیان سنیا ، اوگرا سو رہیا اے تے پٹرول پمپاں تے لائناں لگیاں نیں، سانوں نہ دسو اوگرا نوں ویکھو ایہ تہاڈے ماتحت اے۔ خواجہ آصف دا کہنا سی مراد علی شاہ نے مشکل فیصلے کیتے پر ایہناں تے تنقید کیتی گئی، گرفتاریاں نال مسئلے حل ہوندے نیں تے اسیں آپ تھانے چلے جانے آں، اج تک اوہ 200ملین ڈالر ملک وچ نہیں آئے۔ اوہناں آکھیا لیگ دی اگلی پوری صف کورونا دی زد وچ آ چکی، وزیراعظم آکھیا گھبرانا نہیں، خدا لئی لوکاں دی جاناں تے سیاست نہ کرو۔ ووٹاں دی سیاست سانوں لے بیٹھی اے، جون وچ وزیراعظم آکھیا جیویں چاہندا سی انج دا لاک ڈاؤن نہیں ہویا۔