احساس پروگرام، اک کروڑ توں ودھ بندیاں نوں نقد امداد دی تقسیم مکمل

اسلام آباد: سرکار ولوں احساس ایمرجنسی کیش پروگرام دے تحت اک کروڑ توں ودھ مستحق خانداناں وچ 121ارب توں ودھ امداد تقسیم کر دتی گئی۔ وزیراعظم دی معاون خصوصی برائے سماجی تحفظ و تخفیف غربت ڈاکٹر ثانیہ نشتر دا کہنا اے اک کروڑ توں ودھ مستحقین وچ امدادی رقوم دی تقسیم دا عمل مکمل کر لئی، احساس ایمرجنسی کیش پروگرام دے تحت اک کروڑ توں ودھ مستحق خانداناں وچ 121ارب توں ودھ امداد تقسیم کیتی جا چکی اے۔ احساس ایمرجنسی کیش پروگرام دے تحت ہن تک پنجاب وچ 43 لکھ 42 ہزار توں ودھ بندیاں وچ 52 ارب 70 کروڑ روپے، سندھ وچ 30 لکھ 34 ہزار توں ودھ بندیاں وچ 36 ارب 63کروڑ روپے ، خیبر پختونخوا وچ 18 لکھ 45 ہزار توں ودھ بندیاں وچ 22 ارب 69 کروڑ روپے ، بلوچستان وچ 4 لکھ 97 ہزار توں ودھ بندیاں وچ 6 ارب 5 کروڑ روپے، آزاد جموں و کشمیر وچ اک لکھ 72 ہزار توں ودھ بندیاں وچ 2 ارب12 کروڑ روپے ، گلگت بلتستان وچ 70 ہزار توں ودھ بندیاں وچ 88 کروڑ روپے جد کہ اسلام آباد وچ 46 ہزار توں ودھ بندیاں وچ 56 کروڑ روپے توں ودھ رقم تقسیم کیتی جاچکیاں نیں۔