کورونا تجربات شیئر کرن دی پیشکش تے بھارتی منفی ردعمل افسوسناک اے: دفتر خارجہ
اسلام آباد: ترجمان دفتر خارجہ عائشہ فاروقی آکھیا اے وزیراعظم عمران خان نے کورونا بارے کامیاب تجربات شیئر کرن دی پیشکش کیتی سی جہدے تے بھارت ولوں منفی ردعمل افسوسناک اے۔ اسلام آباد وچ پریس کانفرنس کردیاں ترجمان دفتر خارجہ عائشہ فاروقی دا کہنا سی عالمی اداریاں نے پاکستان دے ڈائریکٹ کیش ٹرانسفر دے اقدام نوں سراہیا، عالمی وباء نال نبڑن لئی قومی تجربات شیئر کرن دی لوڑ اے۔ وزیراعظم عمران خان نے پاکستان دے کامیاب تجربات شیئر کرن دی پیش کش کیتی سی جہناں دا مقصد سارک ملکاں نال قومی تجربات دا تبادلہ اے۔ ترجمان آکھیا پاکستانی پیشکش تے بھارتی وزارت خارجہ دے ترجمان دا منفی بیان غیر پیشہ ورانہ تے اوہناں دی قیادت دے موقف دی نفی اے۔ بھارت دے کورونا دے خلاف علاقائی سلامتی دے معاملے تے منفی ردعمل تے افسوس اے۔
