سابق ایڈیشنل آئی جی پنجاب میجر (ر) مشتاق کورونا پاروں انتقال کر گئے

لہور: سابق ایڈیشنل آئی جی پنجاب میجر (ر) مشتاق کورونا وائرس دی وجہ توں انتقال کر گئے۔ میجر (ر) مشتاق نوں حالت تشویشناک ہون تے چار دن پہلاں سی ایم ایچ لیایا گیا سی جتھے اوہ کورونا وارڈ دے انتہائی نگہداشت وارڈ وچ زیر علاج سن۔ وسیلیاں دے مطابق میجر (ر) مشتاق دو بوتل پلازمہ لگن دے باوجود جانبر نہ ہو سکے۔ سی سی پی او لہور ذوالفقار حمید نے میجر (ر) مشتاق احمد دی وفات تے گہرے دکھ دا اظہار کردیاں آکھیا اے دکھ دی ایس گھڑی وچ لہور پلس لواحقین دے نال کھڑی اے، اوہ انتہائی نفیس، ماتحت پرور تے پروفیشنل افسر سن۔ ذوالفقار حمید ہور آکھیا کورونا وباء اک حقیقت اے سانوں احتیاط ورتنی ہووے گی، لہور پلس کورونا وباء توں سب توں ودھ متاثر ہوئی، شہریاں دے تحفظ نوں یقینی بناندیاں ہوئیاں 8اہلکار و افسران فرض دی راہ تے قربان ہو گئے۔