وفاقی حکومت دا امیگریشن اینڈ پاسپورٹس دفتر کھولن دا فیصلہ

لہور: وفاقی حکومت نے امیگریشن اینڈ پاسپورٹس دے دفتر کھولن دا فیصلہ کیتا اے، صرف ایمرجنسی پاسپورٹ والے ارجنٹ فیس دے نال پاسپورٹ بنوا سکن گے۔ وفاقی حکومت دے احکامات دے مطابق ساری احتیاطی تدابیر دے نال اسلام آباد، ملتان، کوئٹہ تے کراچی دے دفاتر کھولے جان گے، سارے پاسپورٹ دفتر جمعہ توں باقاعدہ صبح 10وجے توں دوپہر اک وجے تک کھلے رہن گے۔ مارمل پاسپورٹ لئی اپلائی نہیں کیتا جا سکے گا صرف ارجنٹ پاسپورٹ پراسس ہووے گا، 50ورھے توں ودھ عمر سائلین کورونا دی رپورٹ لے کے آن گے، غیر ضروری بندیاں دا پاسپورٹ دفتراں وچ داخلہ ممنوع ہووے گا۔