پنجاب دیاں سرکاری لائبریریاں وچ فائر وال سسٹم لان دا فیصلہ
فیصلہ سائبر حملوں تے غیر متعلقہ ویب سائٹس تیکر پہنچ روکن لئی کیتا گیا اے، لائبریری ممبرز نوں صرف تعلیمی تے تحقیقی مواد تیکر رسائی دتی جائے گی جد کہ ڈیجیٹل سکیورٹی بہتر بنان لئی جدید فائر وال ٹیکنالوجی ورتی جائے گی۔
فائر وال لان دے منصوبے اُتے 5 کروڑ روپے خرچ ہون دا اندازہ لایا گیا اے، منصوبے لئی متعلقہ فورمز توں باقاعدہ منظوری لے لئی گئی اے، ایس منصوبے وچ پنجاب بھر دیاں 14 سرکاری لائبریریاں شامل نیں، لائبریریاں دے آئی ٹی نظام نوں محفوظ بنان لئی کم تیز کر دتا گیا اے۔
فائر وال سسٹم دے تحت غیر اخلاقی تے غیر ضروری مواد تیکر پہنچ روکن دی تیاری کیتی گئی اے، محکمے ولوں لائبریری نیٹ ورک نوں محفوظ تے بہتر بنان دا فیصلہ وی کیتا گیا اے۔
