پاکستان نے کورونا ٹیسٹنگ کٹ تیار کرلئی

اسلام آباد( بیوروپورٹ) پاکستان نے کورونا دی ٹیسٹنگ کٹ تیار کرلئی جس دی ڈریپ توں وی منظوری لے لئی گئی اے۔پاکستان نے عالمی وبا کورونا وائرس دے ٹیسٹ لئی ٹیسٹنگ کٹ تیار کرلئی جس نوں پاکستان ڈرگ ریگولیٹری اتھارٹی (ڈریپ) نے منظور کرلیا۔وفاقی وزیر سائنس تے ٹیکنالوجی فواد چوہدری نے سماجی رابطے دی ویب سائٹ تے آکھیا کہ قوم لئی ا یہہ اک بہت وڈھی خوشخبری اے اوہناں نے آکھیا کہ اسی اک منزل تہہ کر لئی اے تے ڈریپ نے پاکستان دی پہلی کووڈ 19 ٹیسٹنگ کٹ دی منظوری دے دتے اے۔۔وفاقی وزیر نے نیشنل انسٹی ٹیوٹ آف سائنس اور ٹیکنالوجی (نسٹ) نوں وی ایس کامیابی اُتے مبارکباد تی۔اوہناں آکھیا کہ نسٹ تے ساڈے سائنسداناں نوں وی مبارک ہووے ، جنہاں ساڈا سر فخر نال بلند کر دتا اے۔وزیرسائنس اینڈ ٹیکنالوجی نے آکھیا کہ ایس کامیابی نال کورونا وائرس لئی ہوون والے ٹیسٹ دی لاگت وچ نمایاں کمی آئے گی جس نال اسی درآمدات توں وی بچ سکاں گے