“قصور وچ ٹرک دی ٹکر وجن نال موٹر سائیکل سوار نوجوان جان توں ہتھ دھو بیٹھا”
پنجاب دے ضلع قصور وچ ٹریفک حادثے دے دوران موٹر سائیکل سوار جاں بحق ہو گیا۔ ریسکیو ذرائع دے مطابق اے حادثہ بھوے آصل دے نیڑے پیش آیا، جتھے موٹر سائیکل سوار ساہمنے توں آون والے ٹرک نال ٹکرا گیا تے موقعے اُتے ای دم توڑ گیا۔
دوجے پاسے، اطلاع ملدے ای پولیس وی موقعے اُتے اپڑ گئی تے اپنی نگرانی وچ نوجوان دی لاش نوں نیڑے دے ہسپتال منتقل کیتا۔
ایہدے توں وکھ، موقعے اُتے موجود لوکاں (عینی شاہدین) دا کہنا سی جے حادثہ تیز رفتاری پاروں پیش آیا اے، پولیس نے معاملے دی تفتیش شروع کر دتی اے۔
