پنجاب بھر وچ مینہہ تے ہنیری نال حادثے، 3 بندے جاں بحق، 24 زخمی۔
پنجاب بھر وچ پچھلے 24 گھنٹیاں دے دوران مینہہ تے تیز ہنیری پاروں وکھو وکھ حادثے پیش آئے، جیہناں وچ 3 بندے جاں بحق جڈکے 24 زخمی ہو گئے۔
ریسکیو حکام دے مطابق لاہور وچ رُکھ (درخت)، شیڈ تے بل بورڈ ڈگن دے 6 وکھو وکھ واقعے پیش آئے، جیہناں وچ 2 بندے جاں بحق تے 6 زخمی ہوئے۔ فیصل آباد وچ کندھاں (دیواراں)، چھتاں تے رُکھ ڈگن دے 7 وکھ وکھ حادثیاں وچ اک بال (بچہ) جاں بحق جڈکے 9 بندے زخمی ہو گئے۔
ریسکیو دے مطابق ڈی جی خان وچ دو وکھو وکھ واقعیاں دے دوران اسمانی بجلی ڈگن نال 3 بندے زخمی ہوئے، تے مظفر گڑھ وچ رُکھ، سولر پینل تے کندھاں ڈگن دے 4 وکھ وکھ واقعیاں وچ 4 بندے زخمی ہوئے۔
ریسکیو حکام دا کہنا اے کہ سارے زخمیاں نوں تڑتھلی (فوری) طبی امداد دتی گئی اے تے اوہناں نوں نیڑے دے ہسپتالاں وچ منتقل کر دتا گیا اے، جڈکے وکھو وکھ علاقیاں وچ امدادی کماں دا سلسلہ جاری اے۔
