ذوالحجہ دا چند ویکھن لئی مرکزی رویتِ ہلال کمیٹی دا اجلاس کل طلب

ذوالحجہ دا چند ویکھن لئی مرکزی رویتِ ہلال کمیٹی دا اجلاس کل سد لیا گیا۔ مرکزی رویتِ ہلال کمیٹی دا اجلاس کل 17 مئی بروز اتوار بمطابق 29 ذیقعد نوں سد لیا گیا اے، چند نظر آؤن توں بعد عیدالاضحیٰ دی تریخ دا وی فیصلہ ہو جائے گا۔

ترجمان وزارتِ مذہبی امور دا کہنا اے کہ اجلاس پاکستان میٹرولوجیکل ڈیپارٹمنٹ کراچی وچ سد ا گیا اے، چیئرمین مرکزی رویتِ ہلال کمیٹی مولانا سید محمد عبدالخبیر آزاد اجلاس دی صدارت کرن گے۔

زونل تے ڈسٹرکٹ رویتِ ہلال کمیٹیاں دے اجلاس وی اسے شام اپنے اپنے ہیڈ کوارٹرز وچ ہون گے، چند نظر آؤن دا حتمی اعلان چیئرمین مرکزی رویتِ ہلال کمیٹی مولانا عبدالخبیر آزاد کرن گے۔

دوجے پاسے سپارکو نے پیشگوئی کیتی اے کہ ذوالحجہ دا چند 17 مئی نوں نظر آؤن دا امکان اے، اس طرح عیدالاضحیٰ 27 مئی نوں ہون دی وڈی توقع اے۔