پنجاب وچ جولائی دے وسط وچ انسداد پولیو مہم شروع کرن دا فیصلہ

لہور: محکمہ صحت پنجاب نے صوبے وچ جولائی دے وسط توں انسداد پولیو مہم شروع کرن دا فیصلہ کر لیا۔ سیکرٹری صحت عثمان بزدار دے مطابق وائرس دے پھیلاؤ دے پیش نظر انسداد پولیو مہم عارضی طور تے معطل سی پر پولیو مہم دوبارہ شروع کرن لئی ایس او پیز دے حوالے نال مشاورت مکمل کر لئی گئی اے تے مہم دے دوران کورونا ایس او پیز تے عمل کیتا جائے گا۔ اوہناں نے دسیا کہ ہن قلیل مدتی تے طویل مدتی جوائنٹ ایکشن پلان ترتیب دتا اے، مہم دے آغاز توں پہلاں پولیو ورکرز دی ٹریننگ کروائی جائے گی۔ اوہناں دا کہنا سی انسداد پولیو مہم نوں زیادہ دیر بند رکھن دے متحمل نہیں ہو سکدے۔ ایہ مہم ساڈی نسل دے محفوظ مستقبل دی ضامن اے۔