لہور دے علماء دا مشہور صحافی الطاف حسن قریشی دی وفات تے افسوس دا اظہار

جامعہ اشرفیہ لاہور دے مہتمم مولانا قاری ارشد عبید، شیخ الحدیث مولانا محمد یوسف خان، نائب مہتمم حافظ اسعد عبید، حافظ جواد عبید، مولانا زبیر حسن تے مولانا مجیب الرحمن نے ملک دے مشہور صحافی الطاف حسن قریشی دی وفات تے ڈونگھے (گہرے) دکھ تے افسوس دا اظہار کیتا اے۔

علماء کرام نے تعزیت کردیاں آکھیا کہ مرحوم دی ساری زندگی عقیدہ ختمِ نبوت تے نظریہ پاکستان دی راکھی (حفاظت)، اسلامی صحافت تے ادب نوں ودھان، نالے اسلام دی کھنڈاء (اشاعت) وچ لنگھی۔ اوہ سچے عاشقِ رسول ﷺ سن۔ مرحوم دا جامعہ اشرفیہ لاہور دے سابق مہتمم حضرات مولانا محمد عبید اللہ (رحمت اللہ علیہ) تے مولانا حافظ فضل الرحیم اشرفی (رحمت اللہ علیہ) نال پرانا تے گوڑھا (دیرینہ) تعلق سی۔

اوہناں نے آکھیا کہ اوہ مرحوم دے پچھے رہ جان والیاں تے گھر والیاں دے دکھ وچ برابر دے شریک نیں، تے دعا کیتی کہ اللہ تعالیٰ مرحوم نوں جنت الفردوس وچ اعلیٰ تھاں (مقام) دیوے تے گھر والیاں نوں صبرِ جمیل عطا فرمائے۔