گیس پیداکرن والے صوبے دا گیس ورتن تے پہلا حق اے وزیر اعلیٰ کے پی سہیل آفریدی نے وزیراعظم نوں خط لکھ دِتا۔

“گیس پیدا کرن والے صوبے دا گیس ورتن (استعمال) تے پہلا حق اے”، وزیر اعلیٰ خیبر پختونخوا سہیل آفریدی نے وزیراعظم شہباز شریف نوں خط لکھ دِتا اے۔

وزیراعلیٰ خیبر پختونخوا سہیل آفریدی نے وزیراعظم شہباز شریف توں منگ (مطالبہ) کیتی اے کہ سی این جی سیکٹر نوں گیس دی سپلائی بند ہون دا مسئلہ حل کیتا جاوے ۔ وزیراعلیٰ سہیل آفریدی نے وزیراعظم نوں لکھے گئے خط وچ آکھیا کہ صوبہ تقریباً 494 ایم ایم سی ایف ڈی گیس پیدا کردا اے، جدوں کہ (صوبے دے) سی این جی سیکٹر نوں صرف 36 توں 40 ایم ایم سی ایف ڈی گیس دی لوڑ اے۔

اوہناں آکھیا کہ آئین دے آرٹیکل 158 دے تحت گیس پیدا کرن والے صوبے دا گیس ورتن تے پہلا حق اے، ایس لئی خیبرپختونخوا نوں اوہدے آئینی حق توں محروم نہ کیتا جاوے۔ وزیراعلیٰ کے پی نے ہور آکھیا کہ پشاور ہائیکورٹ بھی سی این جی اسٹیشناں دی بندش نوں غیر منصفانہ قرار دے چکی اے۔ سی این جی اسٹیشناں نوں گیس بند کرن پاروں صوبے وچ وڈے مسلے کھڑے ہورہے نیں تے ہزاراں لوکاں دا روزگار کھسّن (متاثر ہون) دا ڈر اے۔