بھارتی پلس دا پاکستانی سفارتخانے دا گھیراؤ، سفارتکاراں نوں دھمکیاں
اسلام آباد: بھارتی پلس نے پاکستانی سفارتخانے دا گھیراؤ کرکے سفارتکاراں نال بدتمیزی کیتی تے دھمکیاں دتیاں۔ وسیلیاں دے مطابق نئی دلی وچ بھارتی پلس دی بھاری نفری نے پاکستانی سفارتخانے دا گھیراؤ کیتا، مسلح پلس اہلکاراں نے سفارتکاراں نال بدتمیزی کیتی تے دھمکیاں دتیاں، سفارتکاراں نوں ایمبیسی توں گھر تک راہ وچ وی ہراساں کیتا گیا جہدی وجہ توں نئی دلی وچ پاکستانی سفارتی اہلکاراں لئی ماحول انتہائی کشیدہ ہو گیا اے۔
