کراچی دیاں ساریاں 246 یوسیز دے 3 سالہ خاصمالی آڈٹ دا حکم، وڈے گھپلے پھڑن دی تیاری

پبلک اکاؤنٹس کمیٹی (PAC) دے چیئرمین نثار کھوڑو نے میئر کراچی مرتضیٰ وہاب دے خط دی روشنی وچ ڈی جی آڈٹ نوں کراچی دیاں تمام 246 یونین کمیٹیز دا خصوصی مالی آڈٹ کرن دا حکم دتا اے۔ پی اے سی چیئرمین نے یوسیز دے ماہانہ او زی ٹی (OZT) فنڈز دے استعمال، اخراجات، ملازمین دی تفصیلات، پنشن تے تمام ٹاؤنز توں اکٹھے کیتے گئے روڈ کٹنگ چارجز دا ریکارڈ طلب کر لیا اے۔ اس موقعے تے نثار کھوڑو دا کہنا سی کہ سندھ حکومت نچلی سطح تے عوام دی بھلائی لئی ہر یو سی نوں ماہانہ 12 لاکھ روپے فراہم کر رہی اے، جس حساب نال 246 یوسیز نوں ہر مہینے کل 29 کروڑ 52 لاکھ روپے دتے جا رہے نیں، پر ایہ فنڈز کتھے خرچ ہو رہے نیں اس بارے کسے نوں کچھ معلوم نہیں۔ اوہناں واضح کیتا کہ اس آڈٹ دا مقصد ایہ پتہ لانا اے کہ عوام دا پیسہ کتھے لگ رہا اے، تے جے فنڈز وچ کوئی وی مالی بے ضابطگی ثابت ہوئی تے سخت کارروائی کیتی جائے گی تا جے نچلی سطح تے بلدیاتی کارکردگی نوں بہتر بنایا جا سکے۔