وزیراعظم دے معاون خصوصی زلفی بخاری عظمیٰ کاردار تے بھیڑی طرح برس پئے

اسلام آباد: وزیراعظم دے معاون خصوصی زلفی بخاری خاتون اول دے خلاف نامناسب گل بات تے پارٹی ایم پی اے عظمیٰ کاردار تے بھیڑی طرح برس پئے۔ زلفی بخاری نے ٹوئٹ وچ آکھیا عظمیٰ کاردار توں توقع وی نہیں کیتی جا سکدی کہ اوہناں نوں خاتون اول دے معیار دی سمجھ ہووے، خاتون اول بارے پیٹھ پچھے اجہی گل کرنا انتہائی شرمناک اے، وزیراعظم تے خاتون اول دی عزت ساڈے لئی ترجیح اے، پی ٹی آئی نال وابستگی دا دعویٰ کرن والے بندے لئی ایہ شرم دا مقام اے۔دوجے پاسے عظمیٰ کاردار نے وی سماجی رابطے دی ویب سائٹ تے ٹویٹ وچ آکھیا آڈیو لیک تے مینوں تنقید دا نشانہ بنان والے جان لین میں اپنے موقف تے قائم آں، مافیا جہڑا اے تے پس پردہ پر عملاً سارے پارٹی معاملات تے ایس مافیا دا قبضہ اے، میں مخلص پارٹی ممبران دی ترجمانی کیتی جہناں نے زندگی دا لما عرصہ پارٹی نوں دتا پر ساڈے تے چمچے مسلط کر دتے گئے نیں۔