معاون خصوصی علی اعوان دی بطور چیئرمین لوکل گورنمنٹ کمیشن تعیناتی کالعدم قرار
اسلام آباد: اسلام آباد ہائی کورٹ نے وزیراعظم دے معاون خصوصی علی نواز اعوان نوں چیئرمین لوکل گورنمنٹ کمیشن دے عہدے توں ہٹان دا حکم دے دتا۔ اسلام آباد ہائی کورٹ دے جسٹس محسن اختر نے محفوظ شدہ فیصلہ سنایا۔ عدالت نے وزیراعظم دے معاون خصوصی علی نواز اعوان نوں چیئرمین لوکل گورنمنٹ کمیشن دے عہدے توں ہٹان دا حکم دیندیاں آکھیا چیئرمین کمیشن دی تعیناتی دے رولز 6مہینے وچ بنائے جان۔ میئر اسلام آباد شیخ انصر عزیز نے علی نواز اعوان دی چیئرمین لوکل گورنمنٹ کمیشن تعیناتی اسلام آباد ہائی کورٹ وچ چیلنج کر رکھی سی۔
