اپوزیشن نے غیر سنجیدہ رویہ اختیار کرکے پارلیمانی روایتاں دی دھجیاں اُڈائیاں: عثمان بزدار

لہور: وزیراعلیٰ پنجاب آکھیا اے اپوزیشن نے غیر سنجیدہ رویہ اختیار کرکے پارلیمانی روایتاں دی دھجیاں اُڈائیاں، اپوزیشن نان ایشوز تے سیاست کر رہی اے۔ وزیراعلیٰ پنجاب عثمان بزدار نے بجٹ تے اپنے ردعمل وچ آکھیا غیر معمولی صورتحال دے باوجود حکومت پنجاب نے 56ارب روپے دا ٹیکس ریلیف فراہم کیتا اے، ایہ اقدام صوبے وچ کاروبار دے فروغ وچ معاون ثابت ہووے گا۔ اوہناں آکھیا معیشت چلے گی تے روزگار ملے گا تے ٹیکس زیادہ جمع ہووے گا، اپوزیشن نے بجٹ تقریر دے دوران ہنگامہ آرائی کرکے غیر جمہوری تے غیر پارلیمانی اقدام کیتا۔ عثمان بزدار دا کہنا سی ایہ بجٹ ماضی دی حکومت دی طرح اعداد و شمار دی جادوگری نہیں، ایس بجٹ وچ حقیقت پسندانہ اعداد و شمار رکھے گئے نیں، صوبے دی عوام دی خوشحالی تے فوکس کیتا گیا اے، موجودہ حالات وچ ایس توں بہتر متوازن تے ریلیف دا حامل بجٹ پیش نہیں کیتا جا سکدا۔