کفایت شعاری دی پالیسی تے عمل پیرا، پنجاب وچ تریخی بجٹ پیش کیتا گیا: فیاض الحسن

لہور: وزیر اطلاعات پنجاب فیاض الحسن چوہان آکھیا اے پنجاب وچ تریخی بجٹ پیش کیتا گیا، سخت معاشی حالات دے باوجود جامع میزانیہ بزدار حکومت دی کامیابی اے، شروع دن توں ای کفایت شعاری دی پالیسی تے عمل پیرا آں۔ فیاض الحسن چوہان نے بجٹ تے ردعمل وچ آکھیا ٹیکسٹائل، لیدر، آئی ٹی، کیٹرنگ، گیسٹ ہاؤسز تے نکے ہوٹلاں سنے 20توں ودھ سروسز تے ٹیکس 16فیصد توں 5فیصد کیتا جا رہیا اے، کفایت شعاری مہم دی مد وچ نویں گڈیاں دی خریداری دی 60فیصد درخواستاں رد کرکے ڈیڑھ ارب دی بچت کیتی گئی۔ اوہناں آکھیا کورونا، ٹڈی دل تے متوقع سیلاب دے تناظر وچ ایہ اک نہایت متوازن تے متناسب بجٹ اے، تعلیم، صحت تے اے ڈی پی نوں پچھلے ورھے توں ودھ فنڈز دتے گئے نیں، عالمی و ملکی سطح تے سخت ترین معاشی حالات دے باوجود جامع بجٹ بزدار سرکار دی کامیابی اے۔