ژوب وچ ٹریکٹر ٹرالی ڈونگھی کھائی وچ ڈگ پئی، 5 بندے جاں بحق
بلوچستان دے علاقے کڑ خراسان وچ ٹریکٹر ٹرالی ڈونگھی کھائی وچ ڈگن نال 5 بندے جاں بحق جدکہ 4 زخمی ہو گئے۔
پولیس دے مطابق حادثے وچ جاں بحق ہون والیاں وچ 2 عورتاں تے 3 بچے شامل نیں، جدکہ زخمیاں وچ 2 عورتاں تے ایک 8 سال دا بچہ شامل اے، جنہاں نوں طبی امداد لئی نیڑے دے ہسپتال منتقل کیتا جا رہا اے۔
پولیس حکام دا کہنا اے کہ حادثے دا شکار ہون والے سارے بندے اکو ہی خاندان نال تعلق رکھدے نیں، واقعے توں بعد امدادی کارروائیاں جاری نیں جدکہ لاشاں تے زخمیاں نوں کھائی چوں کڈن لئی ریسکیو ٹیماں موقعے اُتے موجود نیں۔
