گیس سلنڈر پھٹن توں ویگن وچ اگ لگ گئی ہندو سوانی ہلاک، 9 بندے زخمی
پنڈ شربت جسکانی دے نیڑے ویگن وچ اچانک اگ لگ گئی جس وچ جھلس کے اک ہندو سوانی (خاتون) ہلاک تے 9 بندے زخمی ہو گئے۔
پولیس حکام دے مطابق گیس سلنڈر پھٹن پاروں ویگن وچ اگ بھڑک اٹھی، ویگن وچ ہندو برادری دے 22 مسافر سوار سن۔
ویگن خانپور مہر توں ڈہرکی جا رہی سی کہ راہ وچ ایہہ حادثہ پیش آیا، حادثے وچ اک ہندو سوانی جھلس کے جاں بحق تے 9 بندے زخمی ہوئے۔
پولیس دے مطابق جاں بحق ہون والی سوانی تے زخمیاں نوں تحصیل ہسپتال منتقل کیتا گیا، بعد وچ تشویشناک حالت پاروں اوہناں نوں گمبٹ ریفر کر دتا گیا۔
