شہباز شریف نوں سابق آرمی چیف راحیل شریف دا فون، خیریت پچھی

لہور: قائد حزب اختلاف شہباز شریف نوں سابق آرمی چیف جنرل (ر) راحیل شریف نے ٹیلی فون کیتا۔شہباز شریف دی صحت بارے پچھیا تے جلد صحت یابی لئی نیک تمناواں دا اظہار کیتا۔ شہباز شریف نے نیک تمناواں تے صحت لئی فکر مندی تے جنرل (ر) راحیل شریف دا شکریہ وی ادا کیتا۔ خیال رہوے کجھ دن پہلاں شہباز شریف تے اوہناں دی اہلیہ تہمینہ درانی وچ مہلک وائرس دی تشخیص ہوئی سی جہدے بعد توں اوہ قرنطینہ وچ نیں۔ایس ضمن وچ چین ولوں اک وار فیر شہباز شریف نوں کورونا دے علاج دی پیشیش وی کیتی گئی سی۔ چین دے قونصل جنرل لانگ دینگ آکھیا سی تہانوں ہر طرح دی معاونت دی فراہمی دی پیشکش کرنے آں، دعا اے تسیں جلد صحت یاب ہوو۔