پنجاب وچ ہوائی اڈیاں تے ائیربیسز دے آلے دوالے دفعہ 144 لاگو کر دتی گئی اے۔
محکمہ داخلہ پنجاب دے مطابق صوبے وچ ائیر بیسز تے ہوائی اڈیاں نوں محفوظ بنان لئی دفعہ 144 لائی گئی اے، تے اینہاں علاقیاں وچ کبوتر بازی، لیزر لائٹ دے استعمال، تے آلائشاں (گند بلا) تے گوشت سٹن اُتے پابندی ہوئے گی۔
نوٹیفکیشن دے مطابق ایہ فیصلہ انسانی جاناں تے مال اسباب نوں محفوظ بنان لئی کیتا گیا اے، تے پورے پنجاب وچ ایہ پابندیاں 30 دناں لئی لاگو رہن گئیاں۔
محکمہ داخلہ دا کہنا اے کہ ایہ ساریاں سرگرمیاں فلائٹ آپریشنز (جہازاں دی اودھل پودھل) وچ رکاوٹ تے فلائٹ سیفٹی لئی وڈا خطرہ نیں۔ ایہ حکم پورے صوبے وچ بنے کمرشل ائیرپورٹس دی حدود وچ وی لاگو ہوئے گا۔
