وفاقی وزیر امین الحق وچ وی کورونا وائرس دی تصدیق

کراچی: متحدہ قومی موومنٹ (ایم کیو ایم ) پاکستان دے رہنما تے وفاقی وزیر برائے انفارمیشن ٹیکنالوجی و ٹیلی کمیونی کیشن سید امین الحق دی کورونا ٹیسٹ رپورٹ مثبت آ گئی اے۔ وفاقی وزیر برائے آئی ٹی امین الحق دے مطابق پچھلے اک ہفتے توں اوہناں نوں مسلسل بخار سی جہڑا ٹائیفائیڈ وچ تبدیل ہو گیا سی۔ اوہناں نے اپنا کورونا وائرس دا ٹیسٹ کروایا جہڑا مثبت آیا اے۔ امین الحق نے دسیا کہ بخار محسوس ہوندیاں ای اوہناں نے اپنے آپ نوں آئیسولیٹ کر لیا سی۔ واضح رہوے دیس وچ کورونا دے کیساں وچ تیزی نال وادھا ہو رہیا اے تے ہن تک قومی و صوبائی اسمبلیاں دے کئی ارکان وائرس وچ مبتلا ہو چکے نیں جد کہ کجھ وائرس توں انتقال وی کر گئے۔